Վրաստանի պաշտպանության նախարարն Ադրբեջանում և Հայաստանում քննարկելու է տարածաշրջանային անվտանգության հարցեր:
Պաշտպանության նախարար Իրակլի Ալասանիան երկրի վարչապետի հետ միասին կմեկնի Թուրքիա: Բացի միջպետական հարաբերություններից, կքննարկվեն նաև երկու երկրների պաշտպանության նախարարությունների միջև համագործակցության ծրագրերը: Այս մասին լրագրողներին հայտնել է նախարարը:
Մարտին Վրաստանի պաշտպանության նախարարը կայցելի Ադրբեջան և Հայաստան, որտեղ տարածաշրջանային անվտանգության ապահովման շրջանակներում կքննարկեն ռազմական համագործակցության հարցեր:
Ալասանիան ասել է, որ տարածաշրջանային անվտանգությունը մեկ երկիր չի կարող ապահովել, հարկավոր է համագործակցության բոլոր ձևաչափերի օգտագործում, և որ Վրաստանն այդ հարցում կլինի առաջատար երկրներից մեկը:
Ըստ նրա՝ առաջիկայում Ադրբեջանում նախատեսվում է Վրաստանի, Թուրքիայի և Ադրբեջանի համատեղ զորավարժությունների անցկացում:
