Մեծ Բրիտանիայում 10 աշխատակիցներից 4-ը խոստովանել են, որ ծառայողական սիրավեպեր են ունեցել, գրում է The Independent-ը՝ հղում կատարելով Institute of Leadership & Management (ILM)-ի հետազոտությանը:
Հարցմանը մասնակցել է ավելի քան 1000 մարդ: Նրանց 41%-ը հայտնել է, որ աշխատավայրում սիրավեպեր են ունեցել, 37%-ը հայտարարել է, որ սիրավեպը վերածվել է հարաբերության, 27%-ը՝ սիրավեպը ավարտվել է հարսանիքով կամ քաղաքացիական ամուսնությամբ: 32%-ի մոտ հարաբերությունները եղել են կարճաժամկետ:
Նման կերպ, նշում է պարբերականը, շատերը նախկինի պես իրենց սերը գտնում են գրասենյակներում, չնայած օնլայն ծանոթություններին:
