Ավստրիայում` Ամշտետեն քաղաքի մոտ, իրար են բախվել ավելի քան 50 ավտոմեքենա: Այս մասին հաղորդում է ORF հեռուստաալիքը` վկայակոչելով տեղի ոստիկանությանը: Ճանապարհա-տրանսպորտային պատահարի հետևանքով վիրավորվել է շուրջ 15 մարդ:
Վթարի պատճառ են դարձել ուժեղ ձնաբուքն ու վատ տեսանելիությունը: Հավանական է, որ մեքենաներից մի քանիսն ընթացել են մեծ արագությամբ, որի պատճառով տեղի է ունեցել մի քանի բախում երթևեկության երկու ուղղություններում:
Այժմ ընթանում են զանգվածային ՃՏՊ-ի հետևանքները վերացնելու աշխատանքներ:
