Amnesty International իրավապաշտպան կազմակերպությունը այսօր հայտարարություն է տարածել, որով կոչ է անում Թուրքիայի իշխանություններին Ստամբուլում տարեց հայ կանանց դեմ իրականացված հարձակումների շարքի արագ, մանրակրկիտ և անաչառ հետաքննություն անցկացնել: Այս մասին հայտնում է humanrightsturkey.org-ը:
Հայտարարությունում նշվում է, որ Թուրքիան պարտավոր է Մարդու իրավունքների եվրոպական կոնվենցիայի ներքո հետաքննել այդ հանցագործությունների հետևում ընկած ցանկացած ենթադյալ ռասիստական կամ կրոնական դրսևորում: Հաղորդվում է նաև կազմակերպության մտահոգության մասին, որ հրապարակային հայտարարություններում իշխանությունները հաշվի չեն առնում ռասիստական դրդապատճառներով հարձակումների իրականացման հնարավորությունը:
«Թուրքիայի իշխանությունները պետք է հետաքննեն այդ հանցանքներնը՝առանց անտեսելու դրանց՝ ռասիստական, կրոնական և էթնիկ ատելության վրա հիմնված լինելու հնարավորությունը: Նրանք պետք է քայլեր ձեռնարկեն հետագայում հարձակումները կանխելու համար»,- ասված է հայտարարությունում:
