Մելբուրնում շարունակվում է Ավստրալիայի 2015թ. բաց առաջնությունը:
Տղամարդկանց մենապայքարում շարունակում է հաղթարշավն աշխարհի առաջին ռակետ Նովակ Ջոկովիչը: Նա կիսաեզրափակչում 5 սեթում 7:5, 3:6, 6:4, 4:6, 6:0 հաշվով առավելության է հասել շվեյցարացի Ստանիսլաս Վավրինկայի նկատմամբ: Հանդիպումը տևել է 3 ժամ, 30 րոպե:
4-րդ սեթում՝ 2:1 հաշվի ժամանակ, Ջոկովիչն առավելության էր հասնում 2:0 հաշվով, իսկ 3-րդ գեյմում՝ Վավրինկայի հարվածի ժամանակ, հաշիվը հասցրել էր 40:0-ի ու մոտ էր բրեք-փոինթի: Ջոկովիչի բրեք-փոինթի պարագայում հանդիպման ելքը գրեթե վճռվում էր:
Բայց շվեյցարացին կարողացավ հաղթել գեյմում, որից հետո նաև 2 բրեք-փոինթ կատարեց: Այնուհետև նա հաշիվը դարձրեց 4:2: 4-րդ սեթն ավարտվեց Վավրինկայի հաղթանակով՝ 6:4 հաշվով: Շվեյցարացին հրաշալի «քամ-բեք» կատարեց:
Վերջին՝ վճռորոշ սեթի առաջին իսկ գեյմում Վավրինկան մոտ էր բրեք-փոինթի, սակայն Ջոկովիչը մեծ ջանքերի գնով կարողացավ գեյմն ավարտել իր օգտին: Մնացած 5 գեյմերում սերբ թենիսիստը գրեթե դիմադրության չհանդիպեց. 6:0:
Այսպիսով՝ Նովակ Ջոկովիչն Ավստրալիայի բաց առաջնության եզրափակչում ուժերն է չափելու բրիտանացի թենիսիստ Էնդի Մարեյի հետ: Մրցաշարի մրցանակային ֆոնդը կազմում է 40 մլն դոլար:
