«Ֆուկուսիմա 1» ատոմակայանը շահագործող Tokyo Electric Power Co. (TEPCO) ընկերությունը հայտարարել է, որ իրենց հաջողվել է դադարեցնել ռադիոկատիվ ջրի արտահոսքը դեպի օվկիանոս: Այս մասին հաղորդում է Kyodo գործակալությունը: Որպեսզի հնարավոր լինի փակել ռեակտորի պատում առաջացած մեծ ճեղքը, ընկերության մասնագետները օգտագործել են մինչև 1500 լիտր «հեղուկ ապակի»:
Հիշեցնենք, որ ապրիլի 5-ին մասնագետներն արձանագրել էին, որ ռադիացիոն ֆոնը ատոմակայնի առափնյա ջրերում նորման գերազանցում էր 7.5 մլն անգամ: Սա տեղի էր ունեցել այն պատճառով, որ ռեակտորներում հավաքված ջրերը, որոնք պարունակել են ռադիոակտիվ շատ նյութեր, ապրիլի 2-ից պատում առաջացած ճեղքից լցվել էին օվկիանոս:
