Անգլիական «Քուինզ Պարկ Ռեյնջերս»-ի գլխավոր մարզիչ Հարի Ռեդնապը անդրադարձել է Ժուլիո Սեզարի՝ Մադրիդի «Ռեալ» տեղափոխության հավանականության մասին:
Հիշեցնենք, որ Իկերի Կասիլյասի վնասվածքի պատճառով «Ռեալ»-ը որոշել է դարպասապահի դիրքն ուժեղացնել, ու այդ տեղի համար դիտարկվում է Ժուլիո Սեզարի թեկնածությունը:
«Ժուլիո Սեզարի տրանսֆերը վաճառքի ենթակա չէ: Նա «ՔՊՌ»-ի խաղացող է, բարձրակարգ դարպասապահ, ու մենք չենք ուզում բաժանվել նրանից: Նա ու Գրինը շատ կարևոր են մեր թիմի համար: Ես ուզում եմ, որ երկուսն էլ մնան թիմում:
Կապ չունի, թե ինչ ակումբ է ցանկանում ձեռք բերել նրա տրանսֆերը, քանի որ նա մեր թիմի կարևորագույն խաղացողներից է, ու մենք ուզում ենք, որ նա մնա»,- Ռեդնապի խոսքերն է մեջբերում AS-ը:
