Սիրիայի կառավարության և ընդդիմության բանակցությունները, որոնք երկուշաբթի սկսվել են Մոսկվայում, կարող են պատրաստություն լինել այդ երկրում ճգնաժամի կարգավորման հարցով կոնֆերանսի անցկացման համար: Այս մասին Foreign Affairs ամսագրին տված հարցազրույցում հայտարարել է Սիրիայի նախագահ Բաշար Ասադը:
«Ինչ տեղի է ունենում Մոսկվայում՝ բանակցություններ կամ (ճգնաժամի) լուծում չեն, դա միայն պատրաստություն է կոնֆերանսին»,- ասել է Ասադը:
«Երբ դուք ընդդիմության մասին խոսում եք որպես մեկ ամբողջության, որն ազդեցություն կունենա ուրիշների վրա, դա դեռ պարզ չէ: Ուստի լավատեսությունը չափազանցություն կլիներ: Չէի ասի, թե ես վատատեսորեն եմ տրամադրված: Ես կասեի, որ մենք հույս ունենք յուրաքանչյուր գործողության հարցում»,- նշել է նա:
Միջսիրիական բանակցությոնները Մոսկվայում կընթանան մինչև հունվարի 29-ը և երկու փուլի կբաժանվեն՝ հունվարի 26-27-ը և 28-29-ը: Առաջին օրերին տեղի կունենա ընդդիմադիրների հանդիպումը, որի ընթացքում, ինչպես ենթադրվում է, կքննարկվեն բանակցությունների ռազմավարությունը և օրակարգը, հաջորդ օրերը նվիրված կլինեն ընդդիմության և Դամասկոսից պատվիրակության բանակցություններին:
