Այն դեպքում, երբ առաջատար շատ արտադրողներ պատրաստվում են ճգնաժամին և հաղորդում են պահանջարկի նվազման մասին, նորաձևության ոլորտը բավականաչափ վստահ է զգում իրեն:
Եվրոպայում տիրող ծանր ֆինանսական ճգնաժամի պայմաններում ամենաշատը տուժել են ավտոմեքենաների ապրանքանիշները և շվեյցարացի ժամագործները:
2012 թ. տվյալներով՝ առաջատար ապրանքանիշների պահանջարկն այնքան է մեծացել, որ դրանց սեփականատերերը հարուստ մարդկանցից վերածվել են միլիարդատերերի:
Ինչպես վկայում է Bloomberg Billionaires Index-ը, 2012 թ. Դոմենիկո Դոլչեի կարողությունը հասել է 2.2 միլիարդ դոլարի, իսկ նրա գործընկեր Ստեֆանո Գաբբանայինը` 2.1 միլիարդ դոլարի: Calzedonia-ի 85 % բաժնետոմսերի սեփականատեր Սանդրո Վերոնեզիի կարողությունն ավելացել է մինչև 1.9 միլիարդ դոլար:
Prada-ի բաժնետոմսերի գինը կրկնապատկվել է, իսկ Hugo Boss AG-ի արժեթղթերն աճել են 44.5 %-ով:
Bain & Co վերլուծական ընկերության տվյալներով` 2012 թ. 10 %-ով մեծացել է թանկարժեք հագուստի, աքսեսուարների, կոսմետիկ պարագաների վաճառքը՝ կազմելով 275 միլիարդ դոլար:
