Ավելի քան 42 մարդ է զոհվել և տասնյակները ստացել են մարմնական վնասվածքներ Պակիստանի Դերա Ղազի Խան քաղաքի սուֆիական մզկիթում տեղի ունեցած կրկնակի ահաբեկչության հետևանքով: Այս մասին հաղորդում է Associated Press գործակալությունը:
Պայթյունները հետևել են մեկը մյուսին այն ժամանակ, երբ մզկիթում հավաքված են եղել հարյուրավոր մարդիկ` նշելու կրոնական տոներից մեկը: Այս մզկիթում են գտնվում սուֆի սրբերից մեկի մասունքները:
Վարկածներից մեկով, ահաբեկչությունն իրականացրել է «Լաշքարե Ջհանգվի» կազմակերպությունը, որը համագործակցում է «Ալ-Քաիդայի» հետ և դեմ է հանդես գալիս ուղղափառ իսլամից դուրս մյուս բոլոր ուղղություններին: