Թավրիզի բժշկական հետազոտությունների համալսարանի գիտնականները պատրաստել են բուսական ծագում ունեցող դեղամիջոց, որը կարող է լիովին բուժել ցրված սկլերոզով հիվանդներին։ Այս մասին չորեքշաբթի օրը հայտնել է իրանական հեռուստատեսությունը,- փոխանցում է Trend-ը:
Նոր դեղամիջոցը կոչվում է MS Nut (Nutrition) և պատրաստված է բույսայուղի օշարակի ձևով:
Գիտնականներն այս դեղամիջոցի պատրաստման համար աշխատել են երկուսուկես տարի:
Դեղամիջոցը փորձարկվել է 100 ցրված սկլերոզով հիվանդի վրա, նրանցից 65-ն ավարտել է բուժումը: Հիվանդները լիովին առողջացել են, բայց որոշները, հիվանդության ավելի խորացված ձևի պատճառով, մասամբ են բուժվել:
MS Nut-ով բուժման ժամկանակաշրջանը կես տարուց մեկ տարի է:
Դեղամիջոցն արդեն արտոնագիր է ստացել Իրանում և մոտ ժամանակներս առողջապահության նախարարության թույլտվությամբ կսկսվի դրա արտադրությունը երկրի դեղագործական ընկերություններում:
Իրանական ԶԼՄ-ների տեղեկությամբ՝ Իրանում աճել է ցրված սկլերոզով հիվանդների թիվը: Պատճառ են համարվում էկոլոգիական գործոնները: Այսօր Իրանում հաշվվում է 50 000 ցրված սկլերոզով հիվանդ:
Եթե հիվանդությունը տարածվի նույն տեմպով, առաջիկա 10 տարում յուրաքանչյուր իրանական ընտանիքում մեկ նման հիվանդ կլինի,- ասված է տեղեկատվության մեջ:
Ցրված սկլերոզը քրոնիկ ավտոիմունային հիվանդություն է, որի ժամանակ բորբոքվում է գլխուղեղի և ողնուղեղի նյարդային հյուսվածքների միելինային թաղանթը: Հիվանդությունն առաջանում է երիտասարդ և միջին տարիքում (15 – 40 տարեկանում):
Աշխարհում հաշվվում է ցրված սկլերոզով մոտ 2 մլն հիվանդ:
