Իտալիայի գավաթի խաղարկության շրջանակներում «Բոլոնիա»-ի նկատմամբ առավելության հասնելուց հետո Միլանի «Ինտեր»-ի գլխավոր մարզիչ Անդրեա Ստրամաչոնին ամփոփել է խաղի արդյունքները: Այդ մասին են հայտնում իտալական լրատվամիջոցները:
«Երբ Պալասիոն աչքի ընկավ, և խաղի հաշիվը դարձավ 2:0, ինձ թվաց, որ հանդիպման ելքն արդեն վճռված է: Սակայն ֆուտբոլը հենց դրանով է գեղեցիկ: Բախտը փոքր-ինչ ժպտաց մեզ, և Կասանոն հիանալի խաղաց:
Ես չգիտեմ` կա՞ արդյոք մեկ այլ թիմ, որը ստեղծված իրավիճակում կարող էր հաղթող դառնալ: Խոսքն այն մասին է, որ մենք 4 րոպեի ընթացքում 2 գոլ էինք բաց թողել: Ցանկանում ենք Իտալիայի գավաթակիր դառնալ, և մենք դա ցուցադրեցինք»,- հայտարարել է մասնագետը:
