Մոսկվայի հյուսիս-արևելքում ձերբակալվել են էթնիկ հանցավոր խմբավորման ենթադրյալ մասնակիցներ՝ բանկոմատի գողության փորձի ժամանակ: Այս մասին Interfax-ին հայտնել է իրավապահ մարմինների աղբյուրը:
Հաղորդվում է, որ երեկ վաղ առավոտյան քրեական հետախուզության ծառայողներն Արագ արձագանքման հատուկ ջոկատի աջակցությամբ ձերբակալել են 6 տղամարդու, ովքեր փորձել են բանկոմատ գողանալ Ենիսեյան փողոցում:
Պարզվել է, որ կողոպտիչները ինքնասպասարկման գրասենյակին մոտեցել են Porsche Cayenne և BMW X5 արտաճանապարհային մեքենաներով՝ լինգերով, հատիչներով ու կռաններով զինված: Նրանք դրանց օգնությամբ կոտրել են բանկոմատը, որում եղել է 2.8 մլն ռուբլի: Նրանց բռնեցրել են հենց այդ պահին և ձերբակալել են: Կասկածյալներից մեկը փորձել է թաքնվել BMW-ով, սակայն մխրճվել է միկրոավտոբուսի մեջ, որից հետո նույնպես ձերբակալվել է:
Ձերբակալվածների թվում 4 էթնիկ հայեր կան, որից 2-ն ունեն Հայաստանի քաղաքացիություն: Մեկը Չեչնիայի բնակիչ է, մյուսը՝ սլավոն՝ Մատիշչի քաղաքի բնակիչ: Նրանք բոլորը կասկածվում են բանկոմատների և վճարային տերմինալների գողությունների համար: