Վրաստանի նախկին նախագահ Միխեիլ Սաակաշվիլիին «Ազատության ասպետի» կոչում են շնորհել: Այս մասին հայտնում է «Գրուզիա Օնլայնը»:
Սաակաշվիլիին այդ կոչումը շնորհել է Կազիմիր Պուլասկու լեհական հիմնադրամը, որն ամեն տարի այդպիսի մրցանակներ է հանձնում ժողովրդավարության, ազատության և արդարության համար պայքարում ներդրումների համար:
Վարշավայում արարողության ժամանակ Սաակաշվիլին ստացել է շքանշան, նաև գեներալ Պուլասկու սրի կրկնօրինակը: «Այս սուրը ստանալն ինձ համար մեծ պատիվ է: Ես մտադիր չեմ այն պատից կախել: Մենք թշնամի ունենք, որի հետ մենք պետք է կռվենք, և այս սուրը կօգտագործենք»,- ասել է Սաակաշվիլին պարգևատրման կապակցությամբ:
