Հոլիվուդյան դերասան Ժան-Կլոդ վան Դամը կրկին կխաղա «Քիքբռնցքամարտիկ»-ում՝ գրում է The Hollywood Reporter-ը: Ամսագիրը նշում է, որ «Քիքբռնցքամարտիկ»-ը վան Դամին մարտաֆիլմերի աստղ դարձրած ֆիլմերից մեկն է եղել:
Ներկայումս դերասանը բանակցում է ռիմեյքում իր մասնակցության հարցի շուրջ, որում կնկարահանվեն նաև Դեյվ Բատիստան և Ալեն Մուսին: Այս անգամ վան Դամին առաջարկվել է լինել ոչ թե սան, այլ վարպետ. եթե նա միանա նախագծին, կփոխարինի դերասան Թոնի Ջաային, որը նախագծից դուրս է եկել ժամանակացույցի հետ կապված խնդիրների պատճառով՝ գրում է ամսագիրը:
Ըստ սյուժեի՝ մարտարվեստների տաղանդավոր վարպետը (Մուսին) մեկնում է Թաիլանդ, որպեսզի քիքբռնցքամարտիկ դառնա և վրեժ լուծի եղբոր սպանողից (Բատիստա): Վարպետության գաղտնիքները հերոսին կսովորեցնի վան Դամի մարմնավորած հերոսը:
