Սպանությունը բացահայտվել է
Մարտի 30-ին՝ ժամը 17.00-ին, 53-ամյա Մարիամ Ս.-ն ոստիկանության Արարատի բաժնում հաղորդում էր տվել, որ նույն օրը՝ ժամը 16.00-ի սահմաններում, այցելելով եղբոր` 50-ամյա Ստեփան Սարգսյանի տուն, նրան հայտնաբերել է հատակին ընկած՝ մահացած:
Ըստ դատաբժշկական փորձաքննության նախնական եզրակացության՝ Ս. Սարգսյանի մահը վրա էր հասել գանգուղեղային փակ վնասվածքի հետևանքով:
Ոստիկանության ծառայողների ձեռնարկած օպերատիվ-հետախուզական և քննչական միջոցառումներով հիմնավորվել է, որ մարտի 29-ին՝ ժամը 22.00-ի սահմաններում, Արարատ գյուղի բնակիչ, 41-ամյա Մակիչ Ս.-ն Ստեփան Սահակյանի տանը դիտավորությամբ կյանքից զրկել է նրան` գլուխը մահճակալին և պատին հարվածելով:
Փաստի առթիվ Արարատի քննչական բաժանմունքում ՀՀ Քրեական օրենսգրքի 104 հոդվածի 1-ի մասի հատկանիշներով (սպանությունը) հարուցվել է քրեական գործ:
Մակիչ Ս.-ն ձերբակալված է:
Քննությունը շարունակվում է:
Ընկել է ձորը
Մարտի 31-ին ոստիկանության Արթիկի բաժնում հաղորդում է ստացվել, որ ժամը 22.30-ի սահմաններում 45-ամյա Վարդան Պ.-ի վարած «Օպել-Վեկտրա» մակնիշի ավտոմեքենան Արթիկ-Ալագյազ ճանապարհի 1-ին կմ-ին ընկել է ձորը, ինչի հետևանքով 27-ամյա ուղևորուհին վնասվածքներով տեղափոխվել է հիվանդանոց:
Կատարվում է քննություն:
Տուժողին տեղափոխել է հիվանդանոց
Մարտի 31-ին ոստիկանության Գյումրիի բաժնում հաղորդում է ստացվել, որ ժամը 15.30-ի սահմաններում 35-ամյա Գագիկ Ն.-ն «ՎԱԶ-2109» մակնիշի ավտոմեքենայով Գյումրի քաղաքի Հաղթանակի և Մայակովսկու փողոցների խաչմերուկում վրաերթի է ենթարկել 75-ամյա Հակոբ Ջ.-ին և նույն ավտոմեքենայով նրան տեղափոխել հիվանդանոց:
Կատարվում է քննություն:
Գողությունը բացահայտվել է
Մարտի 31-ին՝ ժամը 10.30-ին, ոստիկանության Արտաշատի բաժնի ծառայողները, գողություն կատարելու կասկածանքով, բերման են ենթարկել 29-ամյա Գագիկ Ա.-ին:
Պարզվել է, որ նա 27-ամյա Գեղամ Ա.-ի և 25-ամյա Գոռ Ա.-ի հետ մարտի 25-ի գիշերը մի արտադրական բազայից գողացել է 3 տոննա թուջե անիվներ և ձուլվածքներ` պատճառելով 750.000 դրամի նյութական վնաս:
Ձեռնարկվում են միջոցառումներ Գեղամ Ա.-ին և Գոռ Ա.-ին հայտնաբերելու ուղղությամբ:
Կատարվում է նախաքննություն:
Ձախողված կողոպուտ
Մարտի 31-ին՝ ժամը 22.55-ին, ոստիկանության Երևան քաղաքի վարչության ՊՊԾ գնդի ծառայողները Դրոյի փողոցի թիվ 15 շենքի մոտից, կողոպուտ կատարելու կասկածանքով, բերման են ենթարկել 28-ամյա Արթուր Խ.-ին:
Պարզվել է, որ նա ժամը 22.45-ին նշված շենքի մոտ փորձել է հափշտակել 20-ամյա Աննա Ի.-ի պարանոցի ոսկյա շղթան, սակայն հանդիպելով աղջկա դիմադրությանը՝ չի կարողացել ավարտին հասցնել հանցագործությունը:
Կատարվում է նախաքննություն:
Սևան-Մարտունի-Գետափ ճանապարհին
Մարտի 31-ին ոստիկանության Մարտունու բաժնում հաղորդում է ստացվել, որ ժամը 12.10-ին 36-ամյա Սասուն Հ.-ի վարած «Մերսեդես-Բենց Ե-240» մակնիշի ավտոմեքենան Սևան-Մարտունի-Գետափ ճանապարհի 58-րդ կմ-ին բախվել է 25-ամյա Արտյոմ Խ.-ի վարած «ՎԱԶ-2106» մակնիշի ավտոմեքենային, ինչի հետևանքով Արտյոմ Խ.-ն, նրա 3 ուղևորները և Սասուն Հ.-ի 2 ուղևորները վնասվածքներով տեղափոխվել են հիվանդանոց:
Կատարվում է նախաքննություն:
Շրջվել է
Մարտի 31-ին ոստիկանության Քանաքեռ-Զեյթունի բաժնում հաղորդում է ստացվել, որ ժամը 18.30-ին 23-ամյա Կարեն Ա.-ի վարած «ԲՄՎ-318» մակնիշի ավտոմեքենան Դավիթ Անհաղթի փողոցում բախվել է 21-ամյա Էդգար Ս.-ի վարած «Տոյոտա» մակնիշի ավտոմեքենային:
Պատահարի հետևանքով «Տոյոտա»-ն շրջվել է ու բախվել մայթեզրի մոտ կայանած «Ֆոլքսվագեն» մակնիշի ավտոմեքենայի, ինչի հետևանքով մեկ ուղևոր վնասվածքներով տեղափոխվել է հիվանդանոց:
Կատարվում է քննություն:
Երևան-Եղեգնաձոր ճանապարհին
Մարտի 31-ին ոստիկանության Արարատի բաժնում հաղորդում է ստացվել, որ ժամը 18.15-ի սահմաններում 49-ամյա Ռոբերտ Ա.-ի վարած «Տոյոտա-Լենդ կրաուզեր» մակնիշի ավտոմեքենան Երևան-Եղեգնաձոր ճանապարհի 67-րդ կմ-ին բախվել է 53-ամյա Ազիզ Մ.-ի վարած «Վոլվո» մակնիշի ավտոմեքենային, ինչի հետևանքով Ռոբերտ Ա.-ն վնասվածքներով տեղափոխվել հիվանդանոց:
Կատարվում է քննություն:
Բախվել են
Մարտի 31-ին ոստիկանության Մասիսի բաժնում հաղորդում է ստացվել, որ ժամը 17.00-ի սահմաններում Երևան-Երասխ ճանապարհի 14-րդ կմ-ին իրար են բախվել 43-ամյա Սենիկ Գ.-ի վարած «ԳԱԶ-53» և 36-ամյա Մանուկ Գ.-ի վարած «Մոսկվիչ» մակնիշի ավտոմեքենաները, ինչի հետևանքով Մանուկ Գ.-ն վնասվածքներով տեղափոխվել է հիվանդանոց:
Կատարվում է քննություն:
Հետախուզվողներ են հայտնաբերվել
Մարտի 31-ին՝ ժամը 09.00-ին, ոստիկանության Արմավիրի բաժնի ծառայողները Արմավիր գյուղից բերման են ենթարկել 22-ամյա Արմենակ Մ.-ին, որը ս/թ մարտի 29-ից հետախուզվում էր դիտավորությամբ առողջությանը միջին ծանրության վնաս պատճառելու մեղադրանքով:
Արմենակ Մ.-ն կալանավորված է:
* * *
Մարտի 31-ին՝ ժամը 11.45-ին, ոստիկանության Վաղարշապատի բաժնի ծառայողները Այգեշատ գյուղից բերման են ենթարկել 44-ամյա Նորիկ Ե.-ին, որը ս/թ փետրվարի 9-ից հետախուզվում էր մարդուն առևանգելու մեղադրանքով:
Նորիկ Ե.-ն կալանավորված է:
Տեղյակ է պահվել հետախուզումը նախաձեռնողին
Մարտի 31-ին՝ ժամը 10.00-ին, ոստիկանության Նաիրիի բաժնի ծառայողները Պռոշյան գյուղից բերման են ենթարկել 45-ամյա Հունան Ա.-ին, որը 2005 թ. փետրվարի 4-ից ՌԴ Կրասնոյարսկի մարզի ոստիկանության կողմից հետախուզվում էր մարմնական վնասվածք պատճառելու մեղադրանքով:
Հայտնաբերման մասին տեղյակ է պահվել հետախուզումը նախաձեռնողին:
ՀՀ Ոստիկանություն