Անգլիայի հավաքականի նախկին ֆուտբոլիստ Դևիդ Բեքհեմը ավագ որդու՝ Բրուքլինի հետ վթարի է ենթարկվել, գրում է spletnik.ru կայքը:
Բրիտանական ԶԼՄ-ների հաղորդմամբ՝ բավականին լուրջ վթար է եղել, բայց, բարեբախտաբար, երկուսն էլ իրենց լավ են զգում, քանի որ գործել են անվտանգության բարձիկները:
Պատահարը տեղի է ունեցել երեկ առավոտյան Լոնդոնում, երբ Բեքհեմը վերադառնում էր «Արսենալի» մարզական ճամբարից, որի կազմում խաղում է 15-ամյա Բրուքլինը: Հենց այդ ժամանակ էլ Բեքհեմի մեքենային հարվածել է մեկ այլ մեքենա:
Ականատեսների խոսքերով՝ վթարի հետևանքով Դևիդը վնասել է ուսը:
Հիշեցնենք, սա առաջին դեպքը չէ, երբ հայտնի ֆուտբոլիստը ավտոճանապարհային պատահարի մասնակից է դառնում:
