«Արաբական գարնան» իրադարձությունները պետք է հանգեցնեն տարածաշրջանում տնտեսության մասնավոր սեկտորի զարգացմանը: Ինչպես հաղորդում է ITAR-TASS-ը, այս մասին հայտարարել է Արժույթի միջազգային հիմնադրամի ղեկավար Քրիստին Լագարդը, որը մասնակցել է Մավրիտանիայի մայրաքաղաք Նուակշոտում տեղի ունեցած տնտեսական համագումարին:
Իր ելույթում Լագարդը նշել է, որ անհրաժեշտ է արաբական երկրների տնտեսական հետագա զարգացում, և բերել է Արաբական Մաղրիբ տարածաշրջանի օրինակը, որը, նրա խոսքերով, ունի հսկայական շուկա, սակայն դրա պոտենցիալը քիչ է կիրառված:
«Մաղրիբն ունի մեծ հնարավություններ ներդրումներ գրավելու համար, սակայն ոչ բոլորն են կարողանում օգտվել դրանից: Մաղրիբի տնտեսություններից ոչ մեկն այնքան խոշոր չէ, որպեսզի միայանակ ապահովի իր ծաղկումը, տարածաշրջանի տնտեսությունները միայն միասին կարող են ծաղկում ապրել»,-ասել է նա:
ԱՄՀ ղեկավարի կարծիքով` միմյանց պետք է լրացնեն Արաբական Մաղրիբի միությաներկրների՝ Ալժիրի, Լիբիայի, Մավրիտանիայի, Մարոկկոյի և Թունիսի տնտեսությունները:
Վերոնշյալ միությունը ստեղծեվել է 1989 թ. փետրվարին:
