Ըստ վրացական Apsny.ge կայքի՝ Վրաստանի նախկին նախագահ Էդուարդ Շևարդնաձեն համոզմունք է հայտնել, որ վաղ, թե ուշ Աբխազիան և Հարավային Օսիան կվերադարձվեն Վրաստանին.
«Այսօր, երբ Վրաստանի զգալի մասն օկուպացված է Ռուսաստանի կողմից, դժվար է ասել, թե ինչ տեղի կունենա, ասենք, 20 տարի անց:
Վստահ եմ, որ, վաղ թե ուշ, Աբխազիան և Հարավային Օսիան վերստին կընդգրկվեն Վրաստանի կազմում, սակայն երբ դա տեղի կունենա՝ դժվարանում եմ ասել:
Ամեն ինչ կախված է Ռուսաստանից, որը մեծ սխալ է գործել` ճանաչելով Աբխազիայի և Հարավային Օսիայի անկախությունը: Դրանով Ռուսաստանն իր համար վտանգավոր նախադեպ է ստեղծել:
Եթե Աբխազիան ու Հարավային Օսիան անկախության իրավունք ունեն, ապա ինչո՞ւ նույնը չպետք է ասել Չեչնիայի, Դաղստանի, Թաթարստանի պարագայում»:
