Պրիմերայի 11-րդ տուրում «Բարսելոնա»-ն 2:1 հաշվով արտագնա հաղթանակ տարավ «Ալմերիա»-ի նկատմամբ:
Կատալոնական ակումբի առաջատարներ Նեյմարը, Չավին ու Լուիս Սուարեսն ընդգրկված չէին թիմի մեկնարկային կազմում: Առաջին խաղակեսից հետո «Ալմերիա»-ն 1:0 հաշվով առջևում էր հաշվի մեջ:
Ընդմիջումից անմիջապես հետո խաղադաշտ դուրս եկան Նեյմարն ու Սուարեսը: 73-րդ րոպեին հենց ուրուգվայցի ֆուտբոլիստի փոխանցումից հետո Նեյմարը հավասարեցրեց հաշիվը: 82-րդ րոպեին Սուարեսը ևս մեկ գոլային փոխանցում կատարեց, իսկ իսպանացի պաշտպան Խորդի Ալբան գոլ խփեց և հաղթանակ պարգևեց իր թիմին:
Իսպանիայի առաջնություն, 11-րդ տուր
«Ալմերիա» – «Բարսելոնա»` 1:2
Տևի Բիֆումա (37’) – Նեյմար (73’), Խորդի Ալբա (82’)
