Ծնողները միշտ իրենց երեխաների համար լավագույնն են ուզում՝ սկսած խաղալիքներից և հագուստից, վերջացրած սննդով և կրթությամբ: Novate.ru-ն ներկայացնում է աշխարհի 10 ամենաթանկարժեք մանկական մահճակալները, որոնց մեջ, հավանաբար, քունն ավելի քաղցր է լինում:
10. Մանկական Intellicot մահճակալ՝ 1 576 դոլար
Cencio ընկերության Intellicot մահճակալը 1576 դոլար արժե: Դա լավագույն լուծումն է նրանց համար, ովքեր հոգնել են գիշերները երեխային օրորելուց: Այս մահճակալը չորս դիզայներների աշխատանքի արդյունք է: Այն կարողանում է ավտոմատ օրորվել, թույլ գիշերային լույս ունի, վիդեոդիտման և օդակարգավորման համակարգեր: Այն ոչ միայն հսկում է երեխայի հանգիստ քունը, այլև խնայում է ծնողների առողջությունը:
9. Կռած մանկական մահճակալ՝ 3357 դոլար
Մահճակալը ձեռքով պատրաստել են տաղանդավոր դարբինները: «Կորսիկական կահույք» ընկերությունն արդեն 40 տարի կռած արտադրանք է թողարկում: Մահճակալը հասանելի է տարբեր գույներով՝ արծաթագույն մարմար, սև ատլաս, անտիկվար բրոնզ, սև, նիքել:
8. Մոխրոտի կառքի տեսքով մանկական մահճակալ՝ 3749 դոլար
Մահճակալի դիզայնը վերցված է Մոխրոտի հեքիաթից: Արտաքինից այն դդում է հիշեցնում և 3749 դոլար արժե: Այն ունի մեծ անիվներ, թռչուններով և տերևներով զարդարված թագ: Մահճակալը հասանելի է վեց գույներով:
7. Կռած մահճակալ «Վերսալ»՝ 3 995 դոլար
Այս մահճակալի դիզայնը վերցված է ֆրանսիական Վերսալի այգիների ճաղավանդակներից: Մահճակալը մշակել են ամերիկացի վարպետները: Եթե դուք ֆրանսիական ոճի կահույք եք փնտրում, ապա այս մահճակալը հենց ձեզ համար:
6. Մանակական մահճակալ «Բարի գիշեր»՝ 4 664 դոլար
Երեխան թագավորական այս մահճակալում իրեն իսկական արքայազն կամ արքայադուստր կզգա: Այս մահճակալը երկնագույն էլ է հասանելի:
5. Մանկական մահճակալ «Քամելոթ»՝ 7 200
aBABY ընկերության ստեղծած այս մահճակալը ձեռքով է պատրաստված և վարդագույն է ներկված: Այս մահճակալին նայելիս ակամայից թագավորական այգիներն ես հիշում:
4. Բացվող-փակվող մանկական մահճակալ «Էմիլի» 4-ը 1-ում՝ 9995 դոլար
10 հազար դոլար արժողությամբ այս մահճակալը ճաղեր ունի, որոնցից երեխան կարող է բռնել քայլելիս: DaVinciBaby ընկերության արտադրանքը հասանելի է սև փայտի, բալի, բնական մեղրի, սուրճի և սպիտակ գույներով: Մահճակալը բնութագրվում է անվտանգության բարձր մակարդակով: Դրանից բացի, այն ունի էկոլոգիապես մաքուր ներքնակ:
3. Մանկական մահճակալ «Նորին Գերազնացության կառքը»՝ 19 995 դոլար
Այս մահճակալը արտաքինից կառք է հիշեցնում: Դրա կարկասը պատրաստված է եղևնափայտից: Այն մեկ կողմից կաշվե նստատեղ ունի, որը կարող է 12կգ տանել, իսկ մյուս կողմում բեռնախցիկ կա, որը կարելի է որպես բարուրելու սեղան օգտագործել:
2. Մանկական մահճակալ «Հետաքրքիր կառք»՝ 65 000 դոլար
Այս մոդելն այնքան տարածված է դարձել, որ շատ հայտնիներ փորձել են ձեռք բերել այն իրենց փոքրիկների համար, օրինակ՝ Քիմ Քարդաշյանը և Քանյե Ուեսթը: Մահճակալը պատրաստված է ԱՄՆ-ում: Այն ձեռքի աշխատանք է: Հայտնի է, որ Քիմը սիրում է Ջրահարսի մասին հեքիաթը, այդ պատճառով էլ դեկորը ծովիային թեմայով է պատրաստվել: Մահճակալները հասանելի են երկու չափով՝ մեկ երեխայի և երկվորյակների համար:
1. Մաքուր ոսկուց պատրաստված մանկական մահճակալ՝ 16,4 միլիոն դոլար
Մենք բոլորս էլ համաձայն ենք, որ երեխաները լավագույնին են արժանի, սակայն 16,4 միլիոն դոլար արժողությամբ մահճակալը չափազանց շատ է: Մաքուր ոսկուց պատրաստված մաճակալը դիզայներ Խիմո Թալամանթեսի աշխատանքն է: Մահճակալը պատրաստելու համար 6 ամիս և 188 կիլոգրամ 24 կարատանոց ոսկի է ծախսվել: Մահճակալի հետ միասին առաջարկվում են նաև մանկական անկողին և անկողնային պարագաներ: Մահճակալը գնելիս տեղափոխումը երաշխավորվում է:
