Թուրքական Cihan լրատվական գործակալության փոխանցմամբ`Թուրքիայի արտգործնախարար Ահմեդ Դավութօղլուն հայտարարել է, որ միջազգային հանրությունը պետք է կոնկրետ քայլեր ձեռնարկի Սիրիայի հարցով.
«Պետք է շարունակվեն Սիրիայում հումանիտար աղետի դադարեցման ուղղությամբ տարվող ջանքերը: Մենք միջազգային հանրությունից ակնկալում ենք ոչ թե ուղեղի մարզանքներ, այլ` կոնկրետ քայլեր, որոնք դարման կհանդիսանան Սիրիայի ժողովրդի համար:
Բոլոր երկրները, բացառությամբ Ռուսաստանի ու Չինաստանի, չեն կարծում, թե Բաշար Ասադն այսքան բախումներից հետո կարող է իր պաշտոնում մնալուց հետո նորմալ կատարել իր պարտականությունները անցումային կառավարությունում:
Մենք ակնդետ հետևում ենք զարգացումներին: Մի քանի օր առաջ ես հանդիպումներ ունեցա Իրանի ու Եգիպտոսի արտգործնախարարների հետ: Բոլորը պետք է ջանքեր գործադրեն այդ խնդրի անհապաղ լուծման համար»:
