Apple ընկերությունը համաձայնել է հետ վերցնել իր հարավկորեական մրցակից Samsung-ի դեմ ներկայացրած հայցը` պատենտային իրավունքները խախտելու մասին: Ինչպես հաղորդում է Reuters-ը, կողմերը պայմանավորվել են, որ Samsung-ի նոր սմարթֆոնը վաճառքի չի հանվի ԱՄՆ-ի շուկայում, որն այդքան կարևոր է Apple-ի համար:
2012թ. նոյեմբերին Apple-ի փաստաբանները հայց էին ներկայացրել Սան Խոսե քաղաքի (Կալիֆոռնիա նահանգ) շրջանային դատարան` պատենտային իրավունքները խախտելու և ընկերության տեխնոլոգիաները մրցակցի արտադրանքում կիրառելու մասին: Սարքերի ցուցակում, որոնց դեմ եղել են հավակնություններ, բացի մի քանի պլանշետներից և սմարթֆոններից, հայտնվել է նաև Galaxy S III Mini սմարթֆոնը: Samsung-ի երաշխիքներից հետո, թե` տվյալ սարքը պաշտոնական վաճառքի մեջ ներառված չէ ԱՄՆ-ի տարածքում, Apple-ը հետ է վերցրել հայցը:
Հիշեցնենք, որ 2012թ. օգոստոսին Կալիֆոռնիայի դաշնային դատարանը հարավկորեական ընկերությանը պարտավորեցնում էր 1.05 միլիարդ դոլարի փոխհատուցում վճարել Apple-ին:
