ԱՄՆ պետքարտուղար Ջոն Քերին բացատրել է, թե ինչու է երկրի նախագահ Բարաք Օբամայի վարչակազմը որոշել օդից զենք ու զինամթերք նետել քուրդ ապստամբներին, որոնք սիրիական Քոբանի (Այն-ալ-Արաբ) քաղաքում պայքարում են ԴԱԻՇ («Իրաքի և Շամի իսլամական պետություն») ահաբեկչական խմբավորման դեմ: Այս մասին հայտնում է Associated Press-ը:
«Մեր կողմից անպատասխանատու և բարոյական տեսանկյունից շատ դժվար կլիներ մեջքով շրջվել ԴԱԻՇ-ի դեմ կռվող համայնքին»,- ասել է Քերին:
Սակայն Քերին ավելացրել է, որ քուրդ ապստամբներին օգնությունը ժամանակավոր է, և որ ԱՄՆ-ը Թուրքիային խնդրել է թույլ տալ օգնել քրդերին:
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ չէր համաձայնի ԴԱԻՇ-ի դեմ կռվող քրդերին ամերիկացիների կողմից զենքի մատակարարմանը: