Դեկտեմբերի 26-ին Լոս Անջելեսի բնակիչներն ավելի քան 1000 միավոր զենք ինքնակամ փոխել են իշխանությունների կողմից հատկացված նվերներով: Փոխանակված նմուշներում կան ավելի քան 20 ավտոմատ, հրացան, կիսաավտոմատ ատրճանակներ:
Ինչպես հաղորդում է ITAR-TASS-ը՝ վկայակոչելով սպա Դուգլաս Մաքինլիին, մեկ հրազենային զենքի դիմաց հատկացվել է 25-ից 200 դոլարին համարժեք նվեր քարտեր:
«Եղել են քաղաքացիներ, որոնք ստացել են առնվազն 1000 դոլար»,- ասել է նա:
Շատերը խոստովանել են, որ զենքը ձեռք են բերել ընտանիքին պաշտպանելու համար, սակայն ոչ մի անգամ չեն օգտագործել այն:
Գրեթե բոլոր զենքերը գտնվում են սարքին վիճակում: Համապատախսան ստուգումից հետո զենքերն ուղարկվում են պահեստ, որտեղ էլ դրանք կոչնչացվեն:
Քաղաքի ոստիկանությունում նշել են, որ ակցիային արձագանքել են հարյուրավոր մարդիկ:
Հրազենային զենքի փոխանակման նման ակցիա Լոս Անջելեսում անցկացվում է արդեն հինգերորդ անգամ: Զենքի սեփականատերերին անանուն հիմքով առաջարկում են այն փոխել նվեր քարտերով կամ խոշոր խանութների սերտիֆիկատներով: Հինգ տարվա ընթացքում իշխանություններին հաջողվել է բնակիչներից գնել ավելի քան 20 հազար միավոր զենք և իջեցնել հանցագործության մակարդակը քաղաքի փողոցներում 20%-ով:
