Սուպերմիջին քաշային կարգում WBO վարկածով աշխարհի չեմպիոն Արթուր Աբրահամն այսօր հանդիպեց լրագրողների հետ.
Տարվա լավագույն մարզիկը Ջուլֆալակյանն է, ով արծաթե մեդալ նվաճեց Օլիմպիադայում: Գլխավոր ցանկություններից մեկը Հայաստանի դրոշի ներքո հանդես գալն է: Դժվար կլինի վերադառնալ ու մշտական բնակություն հաստատել, քանի որ իմ ոլորտը Հայաստանից դուրս է գտնվում, իսկ տարածության վրա մնալ պրոֆեսիոնալ բռնցքամարտում բավականին բարդ է: Ցանկանում եմ մենամարտել բռնցքամարտիկների հետ, որոնց պարտվել եմ: Հավանաբար կմենամարտեմ Ֆրոչի կամ Դիրելի հետ:
Չէի ցանկանա, որ տղաներս զբաղվեն բռնցքամարտով: Ցանկանում եմ, որ նրանք ավելի թեթև մարզաձևերով զբաղվեն, օրինակ՝ ֆուտբոլ, բասկետբոլ և այլն: Երբ տեսնում եմ, թե ինչ ապրումներ է ունենում հայրս՝ մենամարտերս դիտելիս, հասկանում եմ, որ ինձ համար ևս շատ բարդ կլինի: Իսկ մայրս ընդհանրապես չի կարողանում դիտել մարտերս:
Եթե ցանկանում ես լեգենդ դառնալ, պետք է գրավես ամբողջ աշխարհը: Դեռ չեմ պատրաստվում ձեռնոցներս կախել մեխից: Դեռ մոտ 3 տարի կմնամ մեծ ռինգում, իսկ մարզչական աշխատանքով չեմ ցանկանում զբաղվել, քանի որ այն շատ ծանր աշխատանք է: Մարզիչս տարվա մեջ 10-11 ամիս տուն չի գնում: Լավագույն բռնցքամարտիկ Ֆլոյդ Մեյուեյզերն է, ով տարեկան 1 մենամարտ է անցկացնում և վաստակում 50-100 մլն դոլար: Լավագույններից է նաև Վլադիմիր Կլիչկոն»:
