Ինչպես գիտեք, Վազգեն Սարգսյանի անվան «Հանրապետական» մարզադաշտում այսօր կայանալու է Հայաստան – Ֆրանսիա ֆուտբոլային ընկերական հանդիպումը:
Ֆրանսիական Le Parisien պարբերականը հարցազրույց է ունեցել Հայաստանի հավաքականի կիսապաշտպան Հենրիխ Մխիթարյանի հետ, ով սրունքաթաթի վնասվածքի պատճառով բաց է թողնելու խաղը:
«Մեր հավաքականը շարունակում է առաջադիմել, հասնել նոր մակարդակի: Բայց մեր գլխավոր խնդիրը փորձի պակասն է ամենաբարձր մակարդի խաղերում: Մեր ֆուտբոլիստների դանդաղ, բայց կայուն հոսք է տեղի ունենում արտասահմանյան առաջնություններ:
Եթե այսպես շարունակվի, վստահ եմ՝ առաջիկա տարիներին նոր ներկայացուցիչներ կունենանք Անգլիայի, Գերմանիայի, Իտալիայի պես առաջնություններում:
Ընգրկվել ենք խմբում, որտեղ խաղում են նաև Պորտուգալիան, Սերբիան, Դանիան ու Ալբանիան: Պարտվել ենք Դանիային, սերբերի հետ ոչ-ոքի ենք խաղացել:
Բավականաչափ ներուժ ունենք խմբում առնվազն 3-րդ տեղը զբաղեցնելու համար: Դա հիանալի կլինի մեր ազգի, մեր հավաքականի համար: Բերնար Շալամդը մեծ փորձ ունի: Դա մեզ հնարավորություն կտա արագորեն առաջադիմել»,- ասել է Մխիթարյանը:
