Սիրիայի ռազմական ոստիկանության ղեկավար, գեներալ-մայոր Աբդուլ Ազիզ Ջասսեմ Ալ-Շալլալը հայտարարել է, որ հրաժարվում է շարունակել ծառայել բանակում, որն աջակցում է նախագահ Բաշար Ալ-Ասադի վաւչակարգին: Գեներալ-մայորի ուղերձը հրապարակվել է Al-Arabiya տեղեկատվական գործակալության կայքում:
Ալ-Շալլալը կառավարական բանակից հեռանալու մասին հայտարարել է նրա՝ իր հիմնական առաջադրանքի՝ սիրիացին ժողովրդի պաշտպանության աղավաղման պատճառով: «Հիմա այն վերածվել է մարդասպանների և ավերողների բանդայի»,- հայտարարել է նա:
Ռազմական ոստիկանության ղեկավարը վստահություն է հայտնել, որ բարձրաստիճան սպաներն ուզում են հետևել նրա օրինակին և նույն կերպ վարվել, բայց չունեն այդպիսի հնարավորություն: Նախնական տվյալներով՝ գեներալի տեսաուղերձը նկարահանվել է թուրք-սիրիական սահմանին: Առայժմ հայտնի չէ՝ Ալ-Շալլալը մտադի՞ր է արդյոք միանալ ընդդիմադիրներին:
Սիրիայում զինված հակամարտություններ ընդդիմության և կառավարական ուժերի միջև սկսվել են 2011-ի մարտից։ Զոհվել է ավելի քան 40 000 մարդ։
Ավելի վաղ ԱՄՆ ներկայացուցիչները հայտնել են, որ Սիրիա միջազգային միջամտությունը հնարավոր է այն դեպքում, եթե կառավարական ուժերը քիմիական զենք կիրառեն: Այս շաբաթ ընդդիմությունը հայտարարել էր, որ Ասադի զորքերը քիմիական զենք են կիրառել Հոմս շրջանում հարձակման ժամանակ:
Ընդդիմադիրների խոսքով՝ գրոհի հետևանքով 7 մարդ է զոհվել, որոնք թունավորվել են անհայտ գազից: Սիրիա-ամերիկյան բժշկական միության մասնագետները հաստատել են , որ զինվորները Agent-15 թունավոր նյութ են օգտագործել: Դամասկոսում հերքել են արգելված նյութերի օգտագործումը: