Գլենդելում կողոպուտի կասկածանքով ձերբակալվել է ազգությամբ հայ 29-ամյա Արին Ղազարյանը:
Ոստիկանությունը կողոպուտի փորձի մասին հաղորդագրություն էր ստացել Արևմտյան Ուիլսոն պողոտայի շենքերից մեկի բնակիչներից: Զանգահարողը հայտնել էր հարևանի՝ դժվարին վիճակում հայտնվելու մասին: Ղազարյանը հեռացրել էր երկրորդ հարկում գտնվող բնակարաններից մեկի պատուհանի ճաղավանդակը և ներս թափանցելու փորձ արել: Այս մասին հայտնում է Glendale News Press-ը:
Հանդիպելով բնակչի դիմակայությանը՝ Ղազարյանը փախուստի է դիմել: Իրադարձությունների ականատես հարևանը ոստիկանություն է զանգահարել:
Կարճ ժամանակ անց Ղազարյանը կողոպուտի կասկածանքով ձերբակալվել է, սակայն 50 հազար դոլար գրավի դիմաց ազատ արձակվել:
