Այս ամսվա սկզբին ՈՒԵՖԱ-ն հայտարարեց լավագույն 11 ֆուտբոլիստներին որոշելու համար քվեարկության մեկնարկը: 11 տեղերի համար պայքարում են 40 ֆուտբոլիստներ:
Եվ ահա, Հոլանդիայի հավաքականի նախկին հարձակվող Ռուդ վան Նիստելրոյը հայտնել է իր վարկածով լավագույն կազմը: Բացի այդ, նա չի վարանել Լեո Մեսսիին անվանել «ֆուտբոլի պատմության լավագույն ֆուտբոլիստ»: Իսկ Ռոնալդուի մասին խոսելիս ասել է, որ նրա նման երկրորդ ֆուտբոլիստ այլևս չի լինի:
Խորհրդանշական հավաքականը՝ ըստ Նիստելրոյի.
Իկեր Կասիլյաս, Ֆիլիպ Լամ, Սերխիո Ռամոս, Տիագո Սիլվա, Խորդի Ալբա, Մարկո Ռոյս, Խավի, Անդրես Ինյեստա, Քրիշտիանու Ռոնալդու, Լեո Մեսսի, Ռադամել Ֆալկաո:
