«Միլան»-ի փոխնախագահ Ադրիանո Գալիանին հայտարարել է, որ ամենայն հավանականությամբ, ակումբը ստիպված կլինի վաճառել Ալեշանդրե Պատոյի և Ռոբինյոյի տրանսֆերները, քանի որ խաղացողները ցանկություն են հայտնել լքել թիմը:
«Ես եղել եմ Բրազիլիայում, որտեղ բանակցություններ եմ վարել տեղի ակումբների հետ: Պատոն և Ռոբինյոն հայտարարել են, որ ցանկանում են լքել «Միլան»-ը: Պատկերացնում եմ՝ ինչ կլինի, եթե նրանք իսկապես լքեն «Միլան»-ը»,- Գալիանիին մեջբերում է Football Italia-ն:
Ավելի վաղ հայտարարվել էր, որ «Կորինտիանս»-ը պատրաստ է 15 մլն եվրո վճարել Պատոյի իրավունքների դիմաց: Իսկ Ռոբինյոյի ծառայություններով հետաքրքրվում են «Ֆլամենգո»-ն և «Ֆլումինենսե»-ն:
