Մադրիդի «Ռեալ»-ում շարունակում է տիրել լարված մթնոլորտը, ինչի մասին են վկայում զանազան տեղեկությունները, որ ստացվում են ակումբի ներսից:
Հարսանիքների ժամանակ զույգի համար միշտ էլ գլխացավանք է այն հարցը, թե ում հետ կիսել տոնական սեղանը: Նման իրավիճակ է ստեղծվել նաև «Ռեալ»-ի կազմակերպած նախատոնական ճաշկերույթի ժամանակ, որը կայացել է «Սանտիագո Բեռնաբեու»-ում ֆուտբոլային ու բասկետբոլային թիմերի անդամների մասնակցությամբ:
Միանգամից աչք գրավող է եղել այն փաստը, որ Մարսելոն ու Քրիշտիանու Ռոնալդուն հեռավորություն են պահել: Պորտուգալացու՝ Մադրիդ գալու օրվանից հետո անբաժան ընկերները կարծես թե սառեցրել են իրենց հարաբերությունները:
Քրիշտիանուն մի սեղանի շուրջ նստած է եղել իր հայրենակիցների ու Կակայի հետ միասին, իսկ Մարսելոն ճաշել է Իգուաինի, Դի Մարիայի, Խեսուսի, Նաչոյի ու Մորատայի ընկերակցությամբ:
