PSA Peugeot Citroen-ը, որը իր մեծության երկրորդ ավտոարտադրողն է Եվրոպայում, մինչև 2014 թ. կկրճատի լրացուցիչ 1500 աշխատակիցների՝ կապված տարածաշրջանում ավտոմեքենաների վաճառքի անկման հետ:
Հուլիսին ընկերությունը արդեն հայտարարել էր 8000 աշխատակիցների կրճատման մասին: Որոշում է կայացվել փակել Փարիզի ծայրամասում գտնվող գործարանը,- հաղորդում է Bloomberg-ը:
Բացի այդ, ընկերությունը բանակցություններ է վարում General Motors-ի հետ ռազմավարական դաշինք կնքելու մասին: Եվրոպայի ավտոմեքենաների շուկան այժմ գտնվում է այն վիճակում, որ վաճառքի ծավալները կարող են 1995 թվից հետո նվազագույնը լինել:
Credit Suisse Group-ի վերլուծաբան Էրիխ Հաուզերը կարծում է, որ աշխատանքային տեղերի կրճատումը կօգնի տնտեսել տարեկան 70 մլն եվրո: Բոլոր կրճատումների արդյունքում աշխատակիցների ընդհանուր թիվը կկրճատվի 17%-ով և 2014 թ. կկազմի 55.9 հազար մարդ:
Ընկերությունը հոկտեմբերին հայտարարել էր, որ 2012 թ. վերջին մաքուր պարտքը կազմում է գրեթե 3 մլրդ եվրո: Արդյունքում Moody`s Investors Service-ը նվազեցրել է Peugeot-ի վարկանիշը երեք աստիճանով:
Ֆրանսիայի կառավարությունը փորձում է աջակցել Peugeot-ին և նրա երաշխավորն է հանդիսանում:
2012 թ. ընկերության բաժնետոմսերի արժեքը նվազել է 53%-ով, իսկ կապիտալը հիմա կազմում է 1.75 մլրդ եվրո:
