Այսօր լրագրողների հետ հանցդիպեցին Հայաստանի պրոֆեսիոնալ Արմֆայթինգ ֆեդերացիայի նախագահ Հայկ Ղուկասյանն ու ProFc վարկածով Աշխարհի նորաթուխ չեմպիոն Դավիթ Խաչատրյանը: Ղուկասյանը նշեց, որ այս հաղթանակին երկար էր սպասել, քանի որ այն 4 տարվա քրտնաջան աշխատանքի արդյունք էր:
-Փաստորեն, ինչ-որ առումով ձեր երազանքն իրականացավ. Դավիթը հասավ հաջողության:
-Շատ հիշարժան օր և պահ է՝ 12:12՝ 2012թ. դեկտեմբերի 12-ին: Դեկտեմբերի 2-ին ՌԴ «Օլինպիական» մարզահամալիրում տեղի ունեցավ 70 կգ քաշային Դավիթ Խաչատրյանի մենամարտը: Նա լավ մարզավիճակում էր, սակայն հիվանդացավ և 39 աստիճան ջերմություն ուներ: Նա 9 կգ քաշ էր գցել: Այս տիտղոսին շատ երկար էինք սպասել, քանի որ սա 4 տարվա քրտնաջան աշխատանքի արդյունք է: Մեր միակ նպատակը հայաստանաբնակ մարզիկին աշխարհի չեմպիոնի տիտղոսով տեսնելն էր: Սառույցը կոտրվեց:
Կունենանք էլի հաղթանակներ, եթե ունենանք օգնություն: Ես հանդիպեցի ՀԱՕԿ նախագահ Գագիկ Ծառուկյանին և ասացի, որ Դավիթ Խաչատրյանին կարող ենք կորցնել, քանի որ նա մարզվում է Մոսկվայում: Նա նշանակեց 300.000 դրամ ամսեկան թոշակ: Ես խոստացա, որ ProFc վարկածով չեմպիոնական գոտին պետք է բերեմ Հայաստան:
-Պետական աջակցություն ստանու՞մ եք, թե ոչ:
-7 տարվա ընթացքում մեր բանկային հաշվի վրա կա 0 դրամ: Մեզ աջակցել է միայն Գագիկ Ծառուկյանը: Մենք չենք ուզում գումար, որ դրանով ապրենք: Եթե նրանք ներդրում կատարեն, ես կրկնակի կներդնեմ: Մինչ այս բոլոր ներդրումները կատարել եմ իմ միջոցներով:
-Քանի՞ երկրներ էին մասնակցում առաջնությանը:
-Մրցաշարին մասնակցել են աշխարհի գրեթե բոլոր պետությունները:
-Կնշե՞ք մենամարտերի դիմաց ստացվող գումարների չափը:
-Այն գաղտնիք է (ժպտում է): UFC-ում Դավիթը կանցկացնի տարեկան 4 մենամարտ: 3 տարվա պայմանագիր ենք կնքել: 2 անընդմեջ պարտություն, և պայմանագիրը խզում են: Այն շատ լուրջ կազմակերպություն է, որտեղ մենամարտերի տոմսերի արժեքը սկսվում է մոտ 1000 ԱՄՆ դոլարից:
-Ո՞րն է լինելու հաջորդ քայլը:
-UFC-ում հանդես գալը:
-Ինչպիսի՞ն էր 2012թ.:
-2012թ. գնահատում եմ լավ: Կարևորն այն է, որ միջազգային կազմակերպությունները մեր կազմակերպությունը ճանաչում են միջազգային: Ադրբեջանում, Թուրքիայնում, Վրաստանում չեն անցկացվում վարկանիշային մենամարտեր: Ես խոչընդոտ եմ հանդիսանում Ադրբեջանում և Թուրքիայում մարզաձևի զարգացմանը: Սա իմ անձնական խնդիրն է: Տարածաշրջանում մենք առաջինն ենք:
-Կա՞ն կադրեր, որոնց մեջ պոտենցիալ եք տեսնում:
-Կան երեխաներ, որոնց մեջ այնպիսի պոտենցիալ եմ տեսնում, որը ժամանակին չեմ տեսել նույնիսկ Դավիթի մեջ:
-2013թ.-ի համար ի՞նչ ծրագրեր ունեք:
-Հունվարի 22-ին մեկնում եմ Գերմանիա՝ Բրեմեն: Ինձ առաջարկել են ընդհանուր մենամարտի կազմակերպության հետ պայմանագիր կնքել և մարզել նրանց հավաքականը: Մինչ այդ պայմանագիր կկնքենք UFC-ի հետ:
-Դավիթը քանի՞ անգամ պետք է պաշտպանի գոտին, որ այն մշտապես մնա իր մոտ:
-3 անգամ: 1 տարվա ընթացքում պետք է պաշտպանի չեմպիոնական գոտին: