Ս.թ. դեկտեմբերի 1-ից մինչև ապրիլի 1-ը իրականացնելով անկանխիկ գործարքներ Կոնվերս Բանկի Mastercard և Maestro քարտերով, քարտապանները հնարավորություն կստանան շահելու Կոնվերս Բանկի գլխավոր մրցանակը՝ ուղևորություն և անմոռանալի հանգիստ էկզոտիկ Թաիլանդում: Առաջին և երկրորդ տեղերը զբաղեցրած քարտապանները կստանան համապատասխանաբար 14 և 7 օրյա ուղևորություն դեպի Թաիլանդ:
Եվս 50 քարտատեր որպես նվեր կստանան ամենատարբեր կենցաղային տեխնիկա:
Նշված ճամփորդական փաթեթները կշահեն միաժամանակ և քանակով և գումարային մեծությամբ ամենաշատ անկանխիկ գործարքներ իրականացրած հաճախորդները: Այստեղ կարոր է նշել, որ հաղթողները որոշվում են իրենց կատարած գործարքների և քանակական, և գումարային ցուցանիշներով, հետևաբար, 2 տարբեր հաճախորդների կողմից միևնույն գումարային գործարքների իրականացման դեպքում հաղթող կճանաչվի այն հաճախորդը, ով իրականացրած կլինի առավել մեծ քանակով անկանխիկ գործարքներ: Հաշվարկն իրականացվում է հետևյալ սկզբունքով.
– Հաճախորդի կողմից կատարված գործարքներից յուրաքանչյուրը /քանակը/ դիտարկվում է որպես 30 միավոր
– Ակցիայի ողջ ընթացքում Հաճախորդի կողմից կատարված գործարքների հանրագումարի յուրաքանչյուր 1000 դրամը դիտարկվում է որպես 1 միավոր
– Հաղթող է ճանաչվում երկու միավորների /և քանակային և գումարային/ ամենամեծ հանրագումար ունեցող հաճախորդը
Ակցիայի պայմանների համաձայն, չեն հաշվարկվում կոմունալ ծառայությունների դիմաց կատարված անկանխիկ վճարումները, ինչպես նաև միևնույն առևտրային կետից նույն օրվա ընթացքում կատարված գնումները դիտվում են որպես 1 գործարք:
ՄԱՍՏԵՐ ՎՈՅԱԺ ակցիան կազմակերպվում է MASTERCARD վճարային համակարգի հետ համատեղ և ուղղված է խրախուսելու բոլոր այն քարտապաններին, որոնք օգտվում են Կոնվերս Բանկի Mastercard և Maestro քարտատեսակներից:
Այս ակցիան գալիս է շարունակելու Կոնվերս Բանկի կողմից իր քարտապաններին առաջարկվող արտոնությունների շարքը: Հիշեցնենք, որ նոյեմբերի 1-ից ներդրվել է նաև Կոնվերս Գոլ ակցիան Վիզա քարտապանների համար, որի հաղթողը պետք է ուղևորվի Մադրիդ՝ կենդանի կատարմամբ դիտելու ֆուտբոլային Էլ-Կլասիկոն՝ Ռեալ Մադրիդ – Բարսելոնա խաղը:
Բանկի քարտապանների համար գործում է նաև Կոնվերս Միավորներ ծրագիրը, որը հնարավորություն է տալիս կուտակել միավորներ և փոխանակել դրանք նվերներով:
