Սիկտիվկարում կայացող մրցումների ժամանակ երկու դահուկորդների բախման արդյունքում նրանցից մեկը մահացել է, հաղորդում է «Р-Спорт»-ը՝ հղում կատարելով ՌՖ-ի հետազոտող կոմիտեին:
Նշվում է, որ դեպքը տեղի է ունեցել Ռաինա Սմետանինայի անունը կրող մրցուղում:
«Երկու 19-ամյա մարզիկների բախման արդյունքում նրանցից մեկը, ով Յարոսլավլ քաղաքի բնակիչ էր, մահացել է: Մյուս դահուկորդը վնասվածք է ստացել»,- նշվում է հաղորդագրության մեջ:
Հիմա դեպքի առիթով կատարվում է հետաքննություն, որից հետո կտրվի վերջնական եզրակացություն:
