Օգոստոսի 2-ին Մայլի Սայրուսը հերթական համերգն է տվել Bangerz Tour շրջագայության շրջանակներում, իսկ այնուհետև իր թիմի հետ ուղևորվել Նյու Յորքի ամենաշքեղ հյուրանոցներից մեկը՝ Greenwich Hotel-ը: Այս մասին հայտնում է spletnik.ru-ն:
ԶԼՄ-ների տեղեկություններով՝ աստղը հյուրանոցում իսկական կոտորած է սարքել ու անհանգստացրել իջևանածներին:
Աղբյուրը հայտնել է, որ Մայլին ու նրա ընկերները այնքան բարձր են աղմկել, որ հյուրանոցի ղեկավարությունը բազմաթիվ զանգեր է ստացել հյուրերից:
Բացի այդ՝ հյուրանոցի անձնակազմը իսկական շոկի է մատնվել՝ տեսնելով, որ Մայլիի հյուրերից մեկը ինչ-որ կասկածելի բան է ծխում:
Երբ մենեջերները փորձել են հանգիստ տոնով հանդարտեցնել Մայլիին, երգչուհին ափերից դուրս է եկել:
«Նա սկսել է նրանց վրա գոռալ ու ասել, որ նա հսկայական գումար է ծախսել, այնպես որ՝ նրանք պետք է ուրախ լինեն իր ներկայությանը: Նա հիստերիա է բարձրացրել ու իրեն փչացած երեխայի նման պահել»,- ասել է աղբյուրը:
