Թուրքական Radikal թերթի փոխանցմամբ՝ ամենայն հավանականությամբ Patriot զենիթա-հրթիռային համալիրները Թուրքիայում տեղակայվելու են Մալաթիայի, Դիարբեքիրի ու Ինջիրլիքի բազաներում: Այդ համակարգերից յուրաքանչյուրն ի վիճակի է պաշտպանել 3-4 քաղաքի:
Նշվում է, որ Թուրքիայի զինված ուժերը ՆԱՏՕ-ին իրազեկել էին, որ սիրիական հրթիռների պատճառով վտանգի տակ է հայտնվել 10 քաղաք, որոնք գտնվում են երկրի արևելյան, հարավ-արևելյան ու միջերկրածովյան շրջաններում: Այդ պատճառով էլ ՆԱՏՕ-ի ռազմական խորհուրդը նպատակահարմար է համարել Թուրքիայի տարածքում տեղակայել Patriot-ների երեք համակարգ՝ գտնելով, որ դրանցից յուրաքանչյուրն ունակ է պաշտպանել 3-4 քաղաքի:
Patriot-ի մեկ համակարգում առկա է ռադար, հրթիռի արձակման սարք և 4 հրթիռ: Դեպի Թուրքիա Patriot զենիթա-հրթիռային համալիրների փոխադրման գործընթացը կարող է տևել երկու շաբաթ:
