«Առաջին լրատվական»-ի տեղեկություններով`Բրյուսելում ՀՀ դեսպան Ավետ Ադոնցը շուտով հրաժեշտ է տալու իր դիվանագիտական կարիերային: Բանն այն է, որ Ադոնցն է աջակցել «Բարգավաճ Հայաստան» կուսակցության ղեկավարների բրյուսելյան հանդիպումների կազմակերպմանը: Ադոնցին այդ հրահանգը տվել է ՀՀ նախկին նախագահ Ռոբերտ Քոչարյանը: Ընդ որում, մեր տեղեկություններով, Ծառուկյանի գլխավորած պատվիրակությանը Բրյուսելում անձամբ Ադոնցն է դիմավորել:
Երեկ ուշ երեկոյան, ՀՀ նախագահականում որոշում է կայացվել, որ առաջիկայում Ավետ Ադոնցը կավարտի իր առաքելությունը և ԵՄ-ում Հայաստանի ներկայացուցչության ղեկավարի, և Բելգիայի թագավարությունում Հայաստանի արտակարգ և լիազոր դեսպանի պաշտոններում:
Հիշեցնենք, որ երբ նախօրեին «Առաջին լրատվական»-ը հրապարակեց ԲՀԿ այցելության մեջ Ադոնցի ունեցած դերի մասին, վերջինս հերքող հաղորդագրությունտարածեց, թե այդ ամենի հետ ինքը կապ չունի, որ ինքը դիվանագետ է և նման գործողություններն արգելված են դիվանագետի համար:
Հիշեցնենք նաև, որ Ա.Ադոնցը 2007թ. պատգամավոր էր ընտրվել ԲՀԿ համամասնական ցուցակով, այնուհետև`2009թ. Բրյուսելում ՀՀ դեսպան է նշանակվել: Իսկ 2002-2007թթ. նախագահ Ռ.Քոչարյանի աշխատակազմում եղել է արտաքին կապերի վարչության պետ:
