ԱՄՆ-ի արևմտյան ծովափը Փերիս Հիլթոնի համար քիչ է եղել, այժմ նա մեկնել է գրավելու արևելքը: Թուրքական հեռուստատեսությունն արդեն հաջողակ բիզնես-լեդիի ոտքերի տակ է, այժմ հերթը Հնդկաստանինն է:
Օրեր առաջ Հիլթոնը նկատվել է Հնդկական նորաձևության շաբաթին, որն անց է կացվել Գոայում: Հիլթոնը նույնիսկ հասցրել է փղերի վրա նստել իր նոր ընկերոջ՝ Ռիվեր Վիփերի հետ:
Այնուհետև աստղը մեկնել է Մումբայ, որպեսզի այցելի մանկատներից մեկը: Երեխաները հիացած են եղել ամանորյա նվերներից՝ խաղալիք ավտոմեքենաներից, Բարբի տիկնիկներից և այլ խաղալիքներից:
Որպես երախտագիտություն՝ նրանք խնդրել են Հիլթոնին իրենց հետ պարել ավանդական հնդկական պարը: Նա հոյակապ գլուխ է հանել: Երևի Բոլիվուդը նոր հերոսի պակաս ունի:
