Հյուսիսային Իռալանդիայի մայրաքաղաք Բելֆաստում հարյուրավոր մարդկանց մասնակցությամբ բողոքի ցույցը վերաճել է ոստիկանների հետ բախման: Այս մասին հայտնում է BBC-ին:
Բողոքի ալիքը բարձրացել է այն բանից հետո, երբ քաղաքային խորհրդի անդամները քվեարկել են քաղաքապետարանի շենքից բրիտանական «Յունիոն Ջեք» դրոշը հանելու օգտին, որը կախված էր այնտեղ ավելի քան 100 տարի: Համաձայն նոր կանոնի՝ դրոշը պետք է բարձրանա քաղաքապետարանի վրա տարեկան միայն 17 օր՝ պաշտոնական օրերի ժամանակ:
Յունիոնիստները (Հյուսիսային Իռլանդիան Մեծ Բրիտանիայի կազմում թողնելու կողմնակիցները) փորձել են ներխուժել քաղաքապետարանի տարածք և ոստիկանների ուղղությամբ շշեր ու քարեր են նետել, ինչի հետևանքով առնվազն 5 իրավապահ վիրավորվել է:
Բելֆաստի քաղաքային խորհրդում տեղերի մեծամասնությունը զբաղեցնում են Հյուսիսային Իռլանդիան Մեծ Բրիտանիայի կազմից դուրս հանելու կողմնակիցները:
