Վրաստանի ներքին գործերի նախարությունը հայտնել է վրացական Ցևանի գյուղի մոտ տեղի ունեցած խոշոր ավտովթարի մանրամասները: Վթարի հետևանքով 7 մարդ է մահացել, նրանց թվում` հղի կին, հայտնում է «Նովոստի Գրուզիա» գործակալությունը, հայտնում է RIA Novosti-ն:
Ավելի վաղ վրացական ԶԼՄ-ները հայտնում էին 8 զոհի մասին:
«Դեկտեմբերի 3-ի երեկոյան մոտ 20.00-ին Ցևանի գյուղի մոտ վթար է տեղի ունեցել. բեռնատարի թափքից մետաղ է պոկվել և ընկել է հանդիպակաց ընթացող միկրոավտոբուսի վրա: Մարդատարի վարորդը և 5 ուղևորներ, այդ թվում` հղի կին, մահացել են տեղում: Եվս մեկ ուղևոր մահացել է հիվանդանոցում»,- հայտնում է ՆԳՆ-ն:
ՆԳՆ-ը նշում է, որ բեռնատարի վարորդը, որը Թուրքիայի քաղաքացի է, ձերբակալվել է:
Հայտարարությունում նշված է, որ Իմերեթիայի վարչական ոստիկանությունը հետաքննություն է վարում, վարորդին, հավանաբար, սպառնում է 10 տարվա ազատազրկում:
