Քաղաքացիական ակտիվիստ Վաղինակ Շուշանյանն այսօր առավոտյան ներկայացել էր ԱԱԾ` ծառայության աշխատակիցների հրավերով: Երիտասարդին ներկայացված ծանուցագրում առանց իրավական հիմնավորման՝ ԱԱԾ-ն պարզապես հրավիրել է երիտասարդին Ազգային անվտանգության ծառայություն: Պատճառն այն է, որ էլեկտրաէներգիայի թանկացման հարցի վերաբերյալ «Հանրային ծառայությունները կարգավորող հանձնաժողովի» նիստին նա զայրացած հայտարարել է, թե չի վճարելու թանկացած էլեկտրաէներգիայի գումարը, անգամ ահաբեկչություն էլ կանի:
Մեզ հետ զրույցոմ երիտասարդը պատմեց. «Նիստի ժամանակ ոգևորված, տաքացած, ջղայնացած վիճակում հայտարարություն եմ արել, ինչը կարծում եմ, պետք չէր, որ էս կարգի ծավալ ստանար, իրենք պետք է հասկանային, որ սա ուղղակի անզոր մարդու ասած խոսքեր են, որ հնարավորություն չունի այլևս ոչ մի բան անելու, սոցիալապես անապահով ապրող մարդու, ով պահում է հաշմանդամ մայր, ուսանող քույր, վարձով է ապրում Երևանում»:
Ամբողջությամբ՝ սկզբնաղբյուր կայքում: