Նոթբուքերում տեղադրված օպերացիոն համակարգերի շարքում Windows 8-ի մասնաբաժինը 90 տոկոսից իջել է: Այս մասին հայտնում է Digitimes-ը՝ հղում անելով բաղադրիչ մասերի թայվանցի մատակարարների աղբյուրներին:
Microsoft-ի օպերացիոն հարթակի դուրսմղումը տեղի է ունենում ի հաշիվ Google Chrome OS և Apple OS X հարթակներով նոթբուքերի ժողովրդականության աճի:
Macbook-ի ժողովրդականությունն աճում է iPhone-ի ու iPad-ի տարածման շնորհիվ: Երեկ Apple ընկերության ներկայացրած հաշվետվության համաձայն՝ վերջին եռամսյակային տվյալներով՝ իրացվել է 4.4 մլն Macbook, ինչը 18 տոկոսով ավելի է՝ նախորդ տարվա համեմատ:
Քրոմբուքերը մեծ տարածում ունեն կրթական ոլորտում և ԱՄՆ-ի ու Մեծ Բրիտանիայի կորպորացիաներում:
Ռեսուրսի աղբյուրները ենթադրում են, որ մրցունակության ուժեղացման համար Microsoft-ը պետք է վերացնի Windows 8-ի թերություններն ու արագացնի աշխատանքը Windows 9-ի վրա:
