Հայաստանի ազգային հավաքականի ու Դոնեցկի «Մետալուրգ»-ի հարձակվողական կիսապաշտպան Գևորգ Ղազարյանը խոսեց թիմի՝ «Դնեպր»-ի դեմ խաղի մասին:
– Յուրի Մաքսիմովն ի՞նչ ասաց, երբ քեզ խաղադաշտ դուրս բերեց.
– Խնդրեց ուշադիր խաղալ: «Դնեպր»-ի պես թիմի դեմ թույլ տված ցանկացած սխալը կարող է անդառնալի լինել: Նրանց նման թիմի դեմ հանդիպումներում հարկավոր է 100 տոկոս ուշադրությամբ խաղալ, նույնիսկ մի քանի տոկոս ավելի:
– «Դնեպր»-ը հայտնի է իր կիսապաշտպանության լավ խաղով. բա՞րդ էր կասեցնել Ջուլիանոյին ու Կոնոպլյանկին.
– Իհարկե, հեշտ չէր: Բոլորը գիտեն «Դնեպր»-ի կիսապաշտպանության արագ խաղի մասին: Հարկավոր էր թույլ չտալ նրանց արագ հարձակվել:
– Համաձա՞յն եք, որ մեր կիսապաշտպանությունն այսօրվա հանդիպմանը չզիջեց «Դնեպր»-ի նույն դիրքի խաղացողներին.
– Այոʹ, կարևորագույնն այն է, որ մենք կարողացանք կասեցնել նրանց կիսապաշտպաններին: Կարելի է ասել՝ խոսքը չի վերաբերում միայն կենտրոնական գծին. մեր ողջ թիմն այսօր լավ խաղաց:
– Հաղթանակ «Դինամո»-ի ու «Զարեյ»-ի հանդեպ և ոչ-ոքի «Դնեպր»-ի դեմ խաղում. վատ չենք ավարտում տարին, այդպես չէ՞.
– Համաձայն եմ: Լավ նոտայի վրա ենք ավարտում տարին ու լավ տրամադրությամբ մեկնում ենք արձակուրդի: Արձակուրդիս ծրագրերի մասի՞ն. անկեղծ ասած՝ դեռ չեմ որոշել: Միայն կարող եմ ասել, որ 100% Հայաստան եմ մեկնելու: Իսկ ինչ կլինի հետո՝ տեղում կորոշեմ:
