Թուրքական Ihlas լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը Պակիստանի մայրաքաղաք Իսլամաբադից վերադառնալիս լրագրողների հետ զրույցում անդրադարձել է Իսրայելի ու ՀԱՄԱՍ-ի միջև զինադադարի ձեռք բերմանը.
«Թուրքիան մեծ ջանքեր է գործադրել Իսրայելի ու ՀԱՄԱՍ-ի միջև զինադադարի ձեռք բերման համար: Թուրքիան, Եգիպտոսի ու Կատարի հետ մեկտեղ, ակտիվ դերէ խաղացել խաղաղության ապահովման հարցում: Մենք որոշեցինք, որ խաղաղության բանակցությունները գլխավորելու է Եգիպտոսը:
Մենք կողմ ենք խաղաղության շուտափույթ հաստատմանը: Բայց քանի դեռ Քլինթոնը չի ժամանել Իսրայել, դա տեղի չի ունենա: Այդ մասին է վկայում նաև գաղտնի պահված նրա եգիպտական այցը: Ինչ վերաբերում է Գազայի հատված մեկնելուն, ապա ես հստակ չգիտեմ, թե դա երբ տեղի կունենա: Ես կարող եմ նաև անսպասելի մեկնել Գազայի հատված»:
