Միջազգային վարկանիշային Standard & Poor’s (S&P) գործակալությունը հաստատել է Ֆրանսիայի երկարաժամկետ և կարճաժամկետ սուվերեն վարկային վարկանիշները համապատասխանաբար` AA+ և A-1+ մակարդակների վրա, վարկանիշների կանխատեսումները՝ «բացասական»: Այս մասին հաղորդում է RBK-ն՝ հղում անելով ընկերության հաղորդագրությանը:
Այս քայլերն արտացոլում են S&P-ի վերլուծաբանների կարծիքներն այն մասին, որ ֆրանսիական կառավարությունը հավատարիմ է մնում բյուջետային և կառուցվածքային բարեփոխումներին, որոնք կհիմնվեն նախկինում առաջարկված միջոցառումների վրա և կնպաստեն երկրի տնտեսական աճի ներուժի բարելավմանը:
Հիշեցնենք. նոյեմբերի 20-ին Moody’s գործակալությունը իջեցրել էր Ֆրանսիայի վարկանիշը մեկ աստիճաով՝ Aaa-ից Aa1, պահպանելով «բացասական» կանխատեսումը: Դրանից հետո Fitch գործակալությունը հայտարարել էր Ֆրանսիայի սուվերեն վարկային վարկանիշը վերանայելու մտադրության մասին:
