Զագրեբի դատարանը Խորվաթիայի նախկին վարչապետ Իվո Սանադերին մեղադրել է կոռուպցիայի մեջ և դատապարտել 10 տարվա ազատազրկման` հաղորդում է Associated Press-ը:
Նշենք, որ նա Խորվաթիայի ողջ պատմության ընթացքում ամենաբարձրաստիճան 59-ամյա քաղաքական գործիչն է, որը կանգնել է դատարանի առջև:
Հատկանշական է, որ ղեկավարելով նախարարների կաբինետը 2004-2009թթ.` Սանադերը խոստացել էր երկրից արմատախիլ անել կոռուպցիան մինչև 2013թ., երբ երկիրը կդառնար Եվրամիության անդամ: Սակայն դատավորները որոշել են, որ Ի. Սանադերը չի ամաչել վերցնել առանձնապես խոշոր չափերի կաշառքներ՝ արտասահմանյան ընկերություններին տալով լայն արտոնություններ:
Օրինակ՝ նա ստացել է 10 մլն եվրո հունգարական նավթային ընկերությունից: Բուդապեշտը, ի պատասխան, հասանելի էր եղել խորվաթական INA նավթային հսկային:
