«ՀԱԿ-ԲՀԿ համագործակցության մեջ ռացիոնալ կորիզ չեմ տեսնում»,-այսօր լրագրողների հետ հանդիպման ժամանակ այս մասին ասաց
Քրիստոնեա-դեմոկրատական կուսակցության նախագահ Խոսրով Հարությունյանը՝խոսելով ներքաղաքական զարգացումներից:
Բանախոսը նշեց, որ ներքաղաքական իրավիճակը սրընթաց գնումէդեպի նախագահական ընտրություններ, իսկհիմնական քաղաքական ինտրիգը, խայծը առաջիկա նախագահական ընտրություններն են: Ուստի, քաղաքական գործչի խոսքերով, կուսակցություններն իրենց վարքագիծը դրսևորում են՝գալիք նախագահական ընտրություններին իրենց պատկերացումներից ելնելով:Խոսրով Հարությունյանն ասաց, որ կարծում էր՝ «Ժառանգություն»-«Ազատ դեմոկրատներ»տանդեմը կարող էր կայանալ:«Չեմ թաքցնում, որ ես եղել եմ այն քաղաքական գործիչներից, որ այդ միացումը ողջունել են,կարծել, թե դա կարող է բերել ուժի կայացմանը: Պետքէցավալ, որ ինչ-որ բան այնպես չստացվեց: Ես ինձ չեմ կարող թույլ տալ ուրախանալ այլ ուժի խնդիրներով: Եթե հնարավորություն կա, որ ընդդիմադիր որևէ քաղաքական ուժ իր դերակատարությունն ունենա՝ ես միայն ողջունում եմ»,- նկատեց բանախոսը:
Խոսելով ՀԱԿ-ԲՀԿ համագործակցությունից՝ նա տեսակետ հայտնեց, որայդ համագործակցության հեռանկարին չի հավատում, որովհետև նժարների վրա տարբեր կշիռներ են դրված:Սակայն նա կարճաժամկետ համագործակցությունըհնարավոր համարեց, բայց՝ ոչ ավելի:
«ՀԱԿ քաղաքականղեկավարությունը չի թաքցնում, որ համագործակցության հիմնական նպատակն առաջիկա նախագահական ընտրություններն են: Ես չեմ տեսնում այդ համագործակցության մեջ որևէ ռացիոնալ կորիզ: ՀԱԿ-ի համար թեկնածու առաջադրելը խնդիր չէ, խնդիրը այդ առաջադրումը քաղաքական անհրաժեշտ կապիտալով ապահովելն է: Այս տեսանկյունից ՀԱԿ-ն ունի խնդիրներ և մտածելու տեղիք ունի: Քաղաքական կոնյունկտուրայի տեսակետից՝ ուզում է երկրորդ ազդեցիկ ուժի հետ ոչ նպաստավոր քաղաքական իրավիճակից դուրս գալ: Որքանով է դա ԲՀԿ հետաքրքրություններին համընկնում՝ վիճահարույց է: Ես այդ ալյանսից հանրության համար հետաքրքիր զարգացում չեմ սպասում»,- մեկնաբանեց Խոսրով Հարությունյանը:
Հարցին՝ ՀՀԿ-ն կտուժի՞, եթե ԲՀԿ-ն առաջիկա նախագահական ընտրություններին չսատարի ՀՀ գործող նախագահ Սերժ Սարգսյանի թեկնածությունը, նապատասխանեց, որՀՀԿ-ն իր քաղաքական ռեսուրսներով որևէ մեկի աջակցության կարիքը չունի: Պարզապես, նրա համոզմամբ, հայաստանյանզարգացումների պարագայում քաղաքական ուժերը ինչքան հնարավոր է՝ պետք էմեծացնենալյանսը: «ՀՀԿ-ն փորձումէառավելագույնս ապահովել լայն համագործակցություն»,- հստակեցրեց Խոսրով Հարությունյանը:
Բանախոսը նաև նշեց, որ գալիք նախագահական ընտրություններին ընդդիմության հաջողված թեկնածու չի տեսնում, այդ թվում՝ ՀԱԿ ղեկավար Լևոն Տեր-Պետրոսյանին:
