«Առավոտ»-ը գրում է. «Արարատ Մկրտչյանը Հովիկ Աբրահամյանի գործունեության մեջ մեծ և անսահման պոպուլիզմ է տեսնում:
«Ինձ շատ զարմացրեց այս կառավարության և նրա ծրագրի նկատմամբ նախագահի անտարբերությունը»,- «Առավոտի» հետ զրույցում նման դիտարկում արտահայտեց առողջապահության նախկին նախարար Արարատ Մկրտչյանը: Իր զարմանքի պատճառը մեր զրուցակիցն այսպես է հիմնավորել. «Երբ 2013 թվականին նախագահական ընտրություններն ավարտվեցին և մայիսին ձևավորվեց նոր կառավարությունը, կառավարության ծրագրի ընդունումից առաջ ՀՀ նախագահը հանդիպեց նոր կառավարության անդամների հետ և հանդես եկավ շեշտադրումներով, թե ի՞նչ խնդիրների վրա պետք է կառավարությունն ուշադրություն դարձնի, ի՞նչ ծրագրային մոտեցումներ ամրագրի: Սերժ Սարգսյանը, մասնավորաբար, հետևյալ ձևակերպումը հնչեցրեց` «…այսուհետ մեք ձեր գործունեությունից ակնկալելու ենք որակական ցուցանիշներ, կառավարության գործունեության արդյունավետության և սոցիալական խնդիրների լուծման կոնկրետ ցուցիչներ, հարցնելու ենք` ոչ թե ի՞նչ է արվել, այլ` արվածն ի՞նչ արդյունք է տվել: Եվ այդ արդյունքները պետք է լինեն չափելի ու տեսանելի»: Սակայն, նույնը մենք չտեսանք այս կառավարության հետ կապված. կառավարությունը հրատապ նիստ արեց, արագ-արագ ծրագիրը հաստատեց և ուղղարկեց խորհրդարան: Ի՞նչ ուղերձներ ուներ ՀՀ նախագահը այս կառավարությանն ու նրա ծրագրին ուղղված` հանրությունը չտեսավ»:
Արդեն կառավարության ծրագրին անրադառնալով, որն այսօր կքննարկվի խորհրդարանում, Արարատ Մկրտչյանը նկատեց, որ այն գրեթե ամբողջությամբ կրկնում է Տիգրան Սարգսյանի կառավարության փաստաթուղթը. «Ծրագիր չասեմ, որովհետև նա էլ ծրագիր չէր` իր բովանդակությանբ և դասական ձևակերպմամբ: Ծրագիրը պետք է լինի շաղկապված միջոցառումների համալիր, որի իրականացման միջոցով կարելի է հասնել նպատակների իրականացմանը, խնդիրների լուծմանը: Նման բան մենք չենք տեսնում:
Մանրամասները՝ թերթի այսօրվա համարում
